චේතන්ගේ එක් ඉන්දියානු තරුණිය Sony Pictures අනුවර්තනයට ගනී ..

සුප්‍රකට ඉන්දියානු නවකතාකරුවෙකු වන චේතන් භගත් ( Chetan Bhagat ) ගේ “එක් ඉන්දියානු තරුණියක් “One Indian Girl” නවකතාව , චිත්‍රපට අනුවර්තනයක් සඳහා සෝනි පික්චර්ස් (Sony Pictures)ආයතනය විසින් තෝරා ගනු ලැබුවා…

සෝනි පික්චර්ස් ඉන්ටර්නැෂනල් ප්‍රොඩක්ශන්ස් ආයතනයේ -SPIP (Sony Pictures International Productions,) ශෙබ්නෙම් අස්කින් (Shebnem Askin) සහ මයිකල් රිෆ්කින් (Michael Rifkin) විසින් සම-ප්‍රධානත්වයෙන් යුත් සෝනි පික්චර්ස් එන්ටර්ටේන්මන්ට් (Sony Pictures Entertainment) ආයතනයේ මෝෂන් පික්චර් ගෲප් (Motion Picture Group) හි දේශීය භාෂා නිෂ්පාදන අංශය සෑම වසරකම, ලොව පුරා විවිධ වෙළඳපල 12 ක චිත්‍රපට 30 ක් පමණ නිකුත් කරනවා. මෙවර එය චේතන් භගත් ගේ නවකතාවක්, සිනමාපටයකට අනුවර්තනය කිරීමට පළඹවී තියෙනවා.

සෝනි පික්චර්ස් ඉන්ටර්නැෂනල් ප්‍රොඩක්ශන්ස් ආයතනය විසින් 2016 දී ප්‍රකාශයට පත් කරන ලද චේතන් භගත් ගේ විවේචනාත්මකව පැසසුමට ලක් වූ “වන් ඉන්දියන් ගර්ල්” (One Indian Girl) නවකතාවේ සිනමාපට අනුවර්තන අයිතිය මිලදී ගෙන තියෙනවා. මෙම වසර අගදී හින්දි භාෂා ප්‍රතිනිර්මාණයක වැඩ ආරම්භ කිරීමට ද සමාගම වැඩිදුරටත් අපේක්ෂා කරනවා.

උගත් හා දක්ෂ නමුත් ආදරය සොයා ගැනීමේ දුෂ්කරතාවයට මුහුණ පෑමට සිදුවන තරුණ කාන්තා මූල්‍යකාරිනියක් වටා මෙම කතා තේමාව කේන්ද්‍රගත වෙනවා. මෙම නවකතාව එය නිකුත් වූ විට ඇමසන් ඉන්වියා (Amazon India) හි පෙර විකුණුම් වාර්තා පවා බිඳ දැමීමට සමත් වුනා..

SPIP හි නිර්මාණාත්මක කටයුතු පිළිබඳ අධ්‍යක්ෂවරයාගේ ඉන්දියානු හස්තය වන ලදා සින් (Lada Singh), හිමිකම් මිලදී ගැනීම සුරක්ෂිත කිරීමේදී ප්‍රධානත්වයෙන් කටයුතු කල අතරම ඉන්දියාවේ, “පෑඩ් මෑන්” සහ “102 නොට් අවුට්” වැනි චිත්‍රපට සඳහා ද මෙම SPIP හි වගකීමට යටත්ව තියෙනවා.

ප්‍රවෘත්තිය පිළිබඳව අදහස් දක්වමින් භගත්, “ඔබ ලියා ඇති ආඛ්‍යානයක් සිනමා පටයකට අනුවර්තනය වීම සැමවිටම සතුටට කරුණක් වගේම, එය සැමවිටම උද්වේගකරයි. ‘One Indian Girl’ සිනමාපට අනුවර්තන අයිතිය SPIP විසින් මිලදී ගෙන තිබීම ඉතා දිරිගන්වන සුළුය, අපේ කාලයේ විශාලතම චිත්‍රපට කිහිපයක පිටුපස වූ සාර්ථකවයට හේතු වුන චිත්‍රාගාරය සහ මෙම ජවසම්පන්න කණ්ඩායම සමඟ උද්යෝගිමත් ගමනක් ආරම්භ කරන්න බලාපොරොත්තුවෙන් ඉන්නවා. මෙම කතා ආඛ්‍යානයට ජාතික සහ ජාත්‍යන්තර වශයෙන් හොඳ ඉල්ලුමක් ආකර්ශනයක් ඇති නිසාම , එය පුළුල් තිරයේ දකින තෙක් මට ඉවසිල්ලක් නෑ.” ඔහු වැඩිදුරටත් පැවසුවා.

චේතන් භගත් යනු ඉන්දියාවේ පාඨක ප්‍රජාව තුළ ප්‍රසිද්ධ මෙන්ම සුපතළ වූ අතිශය විවාදාත්මක ලේඛකයෙකි. නවකතා නවයක කතුවරයා වන භගත්, චිත්‍රපටයට හොඳින් සංක්‍රමණය වන පැහැදිලි, වේගවත් ආඛ්‍යාන ලිවීම සඳහා වඩා ප්‍රසිද්ධියට පත්වූවෙක්. “3 Idiots” භගත් ගේ පළමු නවකතාව “Five Point Someone” මත පදනම්වද, “2 States” සහ සම්මානලාභී smash “Kai Po Che” (“The Three Mistakes of My Life” ඇසුරින්ද ) පෙර නිර්මාණය වූ සිනමාපට අතර වේ. භගත්ගේ පොත්වල අනුවර්තන. ඔහු “කායි පෝ චේ” සහ “අර්ධ පෙම්වතිය” යන දෙකටම තිර රචනය ලිවීමට උදව් කළේය. “වන් ඉන්දියන් ගර්ල්” සිනමා තිර රචනය, නළු නිළියන්, කාර්ය මණ්ඩලය සහ නිෂ්පාදන විස්තර තවමත් සම්පූර්ණ කර නැති බවයි සඳහන් වෙන්නේ.

මේ අතර, සෝනි පික්චර්ස් ඉන්ටර්නැෂනල් ප්‍රොඩක්ෂන් හි සම ප්‍රධානී ෂෙබ්නෙම් අස්කින් “ඉන්දියාවේ චිත්‍රපට වෙළඳපල අඛණ්ඩව වර්ධනය වෙමින් පවතින නිසාවෙන්, අපි නිර්මාණාත්මක සහ සංස්කෘතික දෘෂ්ටිකෝණයකින් කැපී පෙනෙන ආකර්ෂණීය අන්තර්ගතයන් සඳහා අඛණ්ඩව සොයමින් ඉන්නා අතර, චේතන් භගත්ගේ “වන් ඉන්දියන් ගර්ල්” කෘතිය , සිනමා පුළුල් තිරය සඳහා අනුවර්තනය කර නිෂ්පාදනය කිරීමට ලැබීම ගැන අපි සතුටු වෙනවා!! ,” යනුවෙන් වැඩිදුරටත් සිය අදහස් එක් කරමින් පවසා තිබුනා.

සටහන : ගයාත්‍රී නදීශානි තන්තිරිවත්ත
2022/05/07

Leave a Reply

Your email address will not be published. Required fields are marked *